Pages

Saturday, August 13, 2011

உயிர்த்தோழியே !

எந்தன் இதழ்களில் 
வார்த்தைகளாவேன் என்றாய் !
தூசி துரத்தினால்கூட 
முகம் சுழித்துவிடுவாய்!

அறிமுகம் செய்தாய் 
எனக்கே என்னை,
நம்பிதானே தொடங்கினேன் 
காதல் பயணத்தை 
கனவுகளின் துடுப்பில்,
கல்லறைவரை வருவாயென !

கட்டினாய் 
ஆசை வார்த்தைகளால் 
ஆனந்த மாளிகை,
உணர்வுகள் சங்கமித்தபின் 
என்ன ஆச்சு உனக்கு  ? !

தவிர்த்தாய் பேச்சை
வெறுத்தாய் என்னை
வெட்கமாய் இருக்கிறதென்றாய்
என்னுடனான உறவை,

இதயத்துடிப்பை அறிந்ததே 
உந்தன் அன்பில்தானே
பிறகெப்படி நடிப்பாகும் 
 காதல் ! !!!! !!! ??

சுயமதிப்பையிழந்து 
மன்றாடினேன் மன்னிப்புகோரி 
 உந்தன் உறவின்மீதுள்ள பற்றால்,
உனக்கேன் புரியவில்லை ? !

 உந்தன் கைப்பிடித்து 
எந்தன் பெற்றோருக்கு 
தேவதையை பரிசளிப்பேன் என்ற 
 நம்பிக்கை நலிவுற்றது 

கனவுகள் கரைந்தன
நினைவுகள் நிர்கதியாயின 
குற்ற உணர்ச்சி குடைகிறது 
 எந்தன் செல்களை !

உள்ளமும் உடலும் 
அணுக்கதிர் உலையாய்
வெடிக்கிறது அன்றாடம் !

உறைந்துபோனது உதிரம் 
உருகுகிறது கண்ணீராக !

உன்னை அடையும் 
அனைத்து முயற்சிகளும் 
தோற்றன 
 "பொருத்தமில்லை" என்ற
 உந்தன் வார்த்தையால் >

இருவருடம் அன்பில் மூழ்கியபின் 
கரைப்பான் தேடுகிறாய் 
காதலை கரைக்க,
சொல்லியிருந்தால் 
விலகிச்சென்றிருப்பேன்.
கொன்றுவிட்டாய் 
என்னையும், என் காதலையும்
கொச்சையாக பேசி !

மனசாச்சியிடம் மண்டியிட்டு 
யாசிக்கிறேன் பாவமன்னிப்பு,
தினந்தோறும் 

நீ ஏசிச்சென்றாலும் 
உன்னுடன் வாதாடி 
எந்தன் காதலை
வலுவிலக்கச்செய்ய 
ஒப்பவில்லை மனம் 
 உயிர்த்தோழியே !

காதலின் உச்சத்தில் 
உயிர்மாய்க்க துணிந்தபோது 
உடன்வர முயன்ற 
எந்தன் படைப்பாளிகள் 
உணரவைத்தனர் 
அன்பின் எல்லை 
அன்னை-தந்தை மட்டுமே,,

 நிரூபிக்க காதல்
பரிசோதனை அல்ல, 
உணர்ந்தேன் ! உருகினேன் !
உனக்காக !
வாழ்வேன் எந்தன் விதிவரை 
 என்னில் உள்ள உந்தன்
நினைவுகளை வாழவைக்க !

! அனைத்தும் அவன் அறிவான் !

உயிர்த்தோழியே !

வெறுக்க மனமின்றி  !

 என்றுமே நீ எந்தன்
"முதல் குழந்தை"

1 comment:

  1. இருவருடம் அன்பில் மூழ்கியபின்
    கரைப்பான் தேடுகிறாய்
    காதலை கரைக்க,. .
    அருமையான வரிகள். . .
    காதலின் வலி பிரிவில் தான். . .

    ReplyDelete